大家手機store左幾多張相?我有8萬張。我地身處一個digital era,影相都真係近乎no cost,我就真係乜都影一餐,仲要連拍…而幾多人係有曬番出黎既習慣?

作為攝影師,無論工作時影的相定係生活照,我都會鐘意曬出黎。每日影咁多相,講真,有幾何會認真睇番,我地只著重加個filter再upload完就數like。過兩日你都未必記得自己影過。將照片曬出黎係你重視呢一刻的證明 ,不是純粹一堆pixel,而係對相中回憶的珍惜。

就好似我係8萬幾張去揀十幾張去曬出黎,由自己去選擇邊d係precious moment,而唔係等fb 話番你知一年前定十年前的今日做過乜。你唔曬出黎,係真係唔會認真去睇張相的,所以我都堅持我的package要有實物,無論係相簿,定畫。由其係Wedding Day ,我鐘意用相簿去present ,就算你地係收埋左係床下底都好,到某d重要時刻,你地都會拎番出黎,可能係你地同仔女一齊睇,可能係你地鑽婚紀念時一齊回憶60年前結婚的一點一滴。

Digital image 看似不會腐爛,可以無限複製,但它只是一種temporary enjoyment。Printed photo 才是將你珍視的回憶牢牢地鎖在腦海中,而不只是8萬個數碼檔的其中一個。