Studio Pre Wedding | Emily and Louis
耐唔耐都有人問我幾時鐘意影相， 喺邊度學影相， 點樣入行等等。 幾時開始鐘意影相就我喺好多地方都講過， 係因為一套日本電影， 因為女主角係我細個就好鐘意嘅廣末娘子， 呀， sorry， 係廣末涼子先啱～ 套戲叫戀愛寫真， 詳細就唔再講啦。 而喺邊度學影相我係提過下， 但唔知點解冇乜人信。 我係喺工聯會報咗個菲林攝影入門之類嘅課程，其實真係好抵，當年好似一二千已經有成個暑期課程。 之後再報多個真係關於影樓教打燈嘅course， 呢次係第一次接觸Studio Portrait， 覺得真係好好玩， 數番都有十幾年了。 而點樣入行呢， 當年仲有玩下 Forum，就咁 post 咗「 500hkd婚紗攝影， 5個 quota 」，咁就開始接觸街外客了。 所以， 我係好少批評做爛巿之類， 真為自己都做過， 而且我覺得你咩 sample 都冇，咁樣做法都好正常， 因為唔會係長時間都係咁。 而當年有用過呢個offer的客人都仲有facebook見到下大家嘅近況，都大部份有哂好happy 嘅family，都好感激當年佢哋肯俾機會我。 而呢十幾年都會不斷進修，上過好多世界各地及本地嘅攝影師嘅課程，亦透過比賽去睇下自己有咩不足，就算而家網上咁多免費資訊我都仲會keep住俾錢去上好幾個外國攝影師嘅online course。自認唔係天才，不能無師自通，所以呢十幾年學影相冇十萬都八萬。 打咁多嘢都係為咗呀下字數，等d SEO做得好啲，因為啲SEO tool 係咁話我唔夠字數，而家應該夠啦～ 始終打blog唔同打ig caption呀，可以打一句就搞掂，blog就有番兩三段好啲嘅～ 今次其實係想post下Emily and Louis 輯studio pre wedding，都2020年尾嘅事了，post 哂佢哋啲wedding 同outdoor pre wedding ，原來係未post過呢輯嘅！ 影完婚紗就到便服環節！ 我覺得呢一part係最可以突顯到你嘅Character的。 唔需要啲好複雜嘅styling，簡簡單單，兩隻色，搞掂。
便服 Pre Wedding 7個小貼士
在我們Billy ONAIR 拍攝 Pre Wedding， 尤其係 Studio Pre Wedding ， 除了婚紗造型以外，便服Pre Wedding 都是我們著重的一個環節，客人都會發覺， 雖然整輯相的主題都是婚紗，但討論 Casual Wear 的造型所花的時間更長， 更煩惱！點解呢？ 因為婚紗禮服通常都白色黑色的配搭，而且婚紗通常是一整套設計好的，基本上不用做任何搭都已經好好睇，唔會點出錯。 但便服造型海量般多， 由甜蜜的拍拖style 到時尚型格造型， 通常我們的客人在這個環節都會R爆頭。 有見及此， 我們會在這裡簡單話俾大家聽你可以如何配搭 ， 等大家有一個簡單的概念和方向， 選擇一個適合自己及伴侶的風格。 利申， 我不是專業的造型師呀， 我都是從一幅相的出發點， 從拍攝情侶相的角度去話俾大家聽點樣影相出來的效果會較好。 1. 情侶裝配搭 透過同款或是同色系的情侶裝，又或者是穿著相同、有關聯性的圖案Tee Shirt，光明正大的放閃，係一種Relationship Announcement，又能默契感十足的搭配出情侶氛圍的穿著。一般最簡單係男女上衣一樣色一樣款，下身一樣牛仔褲同款波鞋，優點係容易買吾駛煩。 如果想情侶裝咁表達但又唔想兩個一一樣，可以有少少變化，例如： 可以一個樽領，一個圓領，韓式婚攝經常有這種配搭。如果是恤衫情侶裝，可以一個開鈕一個扣鈕。如果下身是牛仔褲，可以選擇不同的藍色。亦可以一個長褲一個短褲。 這種少少的變化已經可以把畫面豐富了一點呢！ 2. 深淺/黑白對比配搭 黑白配搭是十分安全但又非常classic非常耐看的一種配搭！而且配搭的選擇比你想像中豐富。而因為對比強烈，很適合喜歡黑白照的情侶。 首先最簡單當然是一個黑色，另外一個便以白色做主色亦可以上身與下身做對比配搭，上衣是黑色，下身便白色，掉轉亦可。一個上黑下白的話，另一個便可以上白下黑，這樣便可以做到獨照時有上下對比，合照時兩個亦有深淺對比。不想太刻意的話，亦可以一個是上下對比，另一個是一種色做主色。黑白太單調的話，都可以 a: 深藍，深灰等取代黑色，或以 b: 杏色，淺啡取代白色，但通常a 或 b我建議只做一個 3. 型格時尚 想做一個平時少見的自己？不如當一個帥氣女孩，像一個雜誌模特兒一樣！可試試西裝，皮褸，闊腳褲，Jumpsuit等等，好多時都可以在Zara 找到呢 4. 共同興趣或經歷的主題配搭 你們是同校情侶？ 若二人還是因工作而結識，或穿上自己職業的制服，為自己的成就做個註解，那不就更具有紀念意義？如果還有著共同關注的興趣喜好，大家都喜歡的球隊，就直接展示出來吧，要多少個巧合才能令兩個不同的人要相遇？如果還能有相同的興趣喜好，真的是最浪漫的事了！ 5. 休閒情侶穿搭 不想太刻意的配襯？ 也可以穿上自己最喜歡的便服，以最自然的狀態入鏡拍攝。男生的便服以簡單的素色襯衫搭配休閒褲，或者T-Shirt 牛仔褲加對Converse，女生可穿上少少oversize的恤衫襯牛仔褲做一個laid back的感覺 ，都可以望落非常舒服和諧！ 6. 牛仔Denim 牛仔配搭俾人感覺好young，青春的感覺。而且牛仔本身有好重的texture，影studio效果一流，可表現出那種很raw的細節。正如上面所講，男女可以選擇不同的藍色，做少少對比。 7. 加一點tension! 就算是很簡單的造型，都可以加入一點focus位去衝擊一下畫面！令到平衡的畫面帶來少少tension。例如，有客人很喜歡橙色，但我說不用整一件橙色tee shirt 咁搶fo，可以在簡潔的配搭下穿一對橙色襪； 女士或可以腰間，耳環去做這些focus位，這樣可突出這種顏色但又不會令畫面太busy。 這些都是我跟據拍攝多年從畫面中上得到的一些小理論，Styling世界千變萬化，我只是講出我們風格中比較容易配搭的原素，我喜歡耐看的東西，但耐看只是其中一種價值觀，有人喜歡時代感，喜歡一望就知道代表的年代，都沒有對與錯。但都希望這篇文幫到一班煩惱緊造型的新人們！
獅子會 Pre Wedding ｜香港婚照景點推介
在香港其中一個森林系pre wedding 的熱門景點就是位於西貢的獅子會自然教育中心，因為地點方便，停車場一泊車，旁邊已經是可以拍攝的地方，不像城門水塘那樣要步行接近40分鐘。 面獅子會最有代表性的景點就是那些彎彎曲曲的矮樹，有如置身在電影場景中一樣。 而因為樹幹樹葉都遮蓋了天空，所以唔會太見到個天，因此這裡是就算陰天都不會太大影響，是很多新人陰天的backup景點 每個地方都有適合的拍攝手法，我拍攝獅子會會偏向運用自然光，去capture 大家最真最美的一面，無需要將這個地方拍得太「fashion」，簡單自然流露就可以了。 而獅子會在不同季節中呈現不同的景色，所以一年當中不論何時都可以來呢～
Hong Kong Wedding | Ingrid and Clement
上年有一段時間終於放寛咗婚禮婚宴限聚，影番好多婚禮！婚禮唔同pre-wedding，除咗一對新人，其實佢哋身邊的人都係非常緊要，有佢地先令到一個婚禮有笑有淚有回憶。 在婚禮早一個月，已經幫Ingrid 跟Clement影咗輯pre-wedding，所以到big day大家都已經好有默契，都唔洗點熱身就已經好識對鏡頭！ 好鐘意影爸爸對住女兒嗰種唔識表達嘅少少尷尬嘅愛，你會喺呢個位睇到一個𡚒鬥一生為家庭嘅男人的另一面。 Ingrid早上儀式揀著旗袍，而且keep番黑頭髮，更加突顯佢嗰種東方美，既高貴但含蓄。 證婚前的First Look
HK Studio Prewedding | 影樓婚紗攝影 | Ida Hui
前一排幫Ida同佢未婚夫影咗一輯Studio Prewedding，認識Ida已經有一段時間，亦幫佢影過幾次相，但都係個人portrait，反而今次佢同男朋友一齊影一開始有少少緊張呢～ 但就令我反而見到佢唔同嘅一面！好開心你搵我影你嘅pre wedding呢！
